Tremannsril frå Aure

Om dansen

Tremannsril frå Aure er ein dans der ein dansar saman tre og tre. Dansen har tre motiv. I det første motivet dansar ein framover saman på reinlendersteg medan ein held saman i hendene. Andre motiv er kjede med armkrok, der ein hoppar rundt med armkrok to og to saman. Tredje og siste motiv er ein reinlendersnu, der dansaren i midten først dansar med den eine, så den andre dansepartnaren.

Dansen er relativt enkel å få til og kan vere ein fin måte å øve reinlender på. Tremannsril frå Aure passar for barn frå barneskulealder og oppover. Ungdom og vaksne kan også ha mykje glede av denne dansen.

Dansen er skildra i Egil Bakka si bok Danse, danse, lett ut på foten (1970), der han skriv at nedteikninga av dansen er gjort etter eit filmopptak med Daniel Brevik og Anna Torset frå Aure i 1968.

Namn på dansen: Tremannsril frå Aure

Dansefamilie: Turdans

Område: Aure, Nordmøre

Musikk: Isfjordingen, Britt Elise Skram - Intakt (2014)

Kjelde: Danse, danse lett utpå foten - Egil Bakka (1970)

Dansarane: Dansarane på filmen er frå Romsdalsmuseets Leikarring

Regi: Halldis Folkedal

Pedagogar: Anna Liv Skjelten Gjendem

Foto: Jørn Nyseth Ranum

B-foto: Lukasz Zamaro

Klipp: Anders Øvergaard

Produsent: Noregs Ungdomslag (2017)