Springdans frå Akershus

Om dansen

Det har ikkje vore ein levande tradisjon å danse denne springdansen på mange år, men då Bygda Dansar kom til Akershus (Akersarv 2014-2017) vart dansen teke opp att. Arkivopptak viser at det fantes forskjellige springdansvariantar rundt om i Akershus. Denne forma er etter filmopptak av eit gamalt dansepar frå Ski i Follo som professor Egil Bakka tok opp i 1987.

Springdans frå Akershus, i tradisjon frå Ski, er ein enkel bygdedansform som består av tre delar:

1. Fyrst eit innleiande promenademotiv
2. Så ein roleg totaktsnu (i valseform)
3. Og til slutt ein raskare eintaktsnu, eller rundsnu, som utgjer størstedelen av dansen.

Dansen dansast i to ulike rytmenyansar: Både i jamn tredelt takt og i det som kallast asymmetrisk tredelt takt, eller såkalla «kort treer». Det finnest kjelder, både skriftlege og munnlege, som stadfester at begge har vore brukt i Akershus og Østfold. Paret held saman med ei form for samdanstak 2.

Namn på dansen: Springdans frå Akershus, i tradisjon frå Ski

Dansefamilie: Bygdedans, springdans

Område: Follo i Akershus

Musikk: (1) Springdans etter Ole Bjerke frå Våler i Østfold, nedskriven i 1881; (2) Springdans etter Axel Depuis. Depuis arbeidde på Ås stasjon for over 100 år sidan og spelte i orkesteret «Concordia». Han spelte òg i ein trio saman med frisør Sand (fløyte) og baker Johansen (piano). Dei var svært populære og spelte på mange dansefestar og brullaup.

Musikar: Follofeler (feler) og klokkenist Laura Marie Rueslåtten (klokkespel i Oslo Rådhus)

Kjelde: Østfold musikkråd og Follominne nr. 22, Årbok, Follo historie og museumslag, 1984.

Dansarane: Dansarane på filmen er frå Leikarringen i BUL Oslo. Desse er: Jon Bugge Mariussen, Frederick Brevig Jacobsen, Neri Bakkjen og Herborg Oma.

Regi: Halldis Folkedals

Musikkpedagog: Marianne Tomasgård og Elisabet Olhans

Foto: Jørn Nyseth Ranum

B-foto: Lukaz Zamaro

Lyd: Håvard Halden Sethre

Klipp: Anders Øvergaard

Produsent: Noregs Ungdomslag (2019)