Jig circle / 1-2-3-dansen

Om dansen

Dette er ein dans som passar til mange ulike aldersgrupper, og er fin sidan ein ikkje treng å danse saman med nokon. Den er òg fin som startdans om du har ei ny gruppe.

Du kan anten danse den slik at all gjer likt, eller i tre-delt kanon. Skal du danse i kanon må du dele opp alle dansarane i 1, 2 og 3, derav kallenamnet 1-2-3-dansen, 1-2-3-polka, 1-2-3-ril osb. Den er òg kjend som «Postman's Jig».

Denne dansen er fin til å øve seg på timing med musikken.

På grunn av namnet blir det ofte sagt at dansen opphavleg er frå Skottland eller Ireland, men mest truleg har den nok blitt til i nyare tid i Skandinavia då det er her den er kjend i dag, kanskje på ein lærarskule e.l.

Du kan danse til til skotsk og irsk jig-musikk, til ril, polka eller anna musikk der det er lett å høyre takta. Gjerne med tydlege vek, slik at alle skjønar når dei skal byte tur.

Namn på dansen: Jig circle, Postmans's jig, 1-2-3-dansen, 1-2-3-polka eller 1-2-3-rilen

Dansefamilie: Turdans

Musikk: Arne M. Sølvberg

Dansarane: Dansarane på filmen er frå Fjelli Ungdomslag

Regi: Halldis Folkedal

Instruktørar: Arne M. Sølvberg og Asbjørg Hustveit Sølvberg

Foto: Jørn Nyseth Ranum

B-foto: Lukasz Zamaro

Lyd: Håvard Halden Sethre

Klipp: Anders Øvergaard

Produsent: Noregs Ungdomslag (2017)