Hallingmotiv

Halling, eller laus, tilhøyrer dansefamilien bygdedans. Det er ein dans der ein dansar ein og ein, men du kan gjerne danse fleire samtidig på same golv. I halling finst det mange ulike motiv du kan leike deg med i dansen. Nokre motiv er ganske greie å få dreisen på, medan andre krev mykje øving.

I denne filmen har vi plukka ut nokre av motiva som du kan bruke når du dansar halling. Nedanfor kan du sjå nokre av ungdommane sine favorittmotiv.

Namn på dansen: Hallingmotiv, halling, laus

Dansefamilie: Bygdedans, halling

Område: Hallingdal

Dansarane: Ungdom frå Norsk Folkemuseums dansegruppe, BULder og Brak/BUL Oslo og BUL Sarpsborg.

Prosjektleiar, pedagog og regi: Halldis Folkedal

Pedagog og regi: Trine Sjølyst

Foto og regi: Jørn Nyseth Ranum

Pedagog, regi og musikk: Vegar Vårdal

B-fotograf: Lukasz Zamaro

Lyd: Håvard Halden Sethre

Klipp: Nicolai C. Stigar

Produsent: Noregs Ungdomslag (2016)

Favorittmotiv: Heldehopp med Neri

Heldehopp er eit motiv i halling der ein held i foten og hoppar over den samstundes.

Favorittmotiv: Heldehopp (feil!)

Det er ikkje alltid det går slik som planlagt.

Favorittmotiv: Hovudstift med Frederick

Hovudstift er ein form for "framlengs" salto der du tek nedi golvet med hovudet før du sprett rundt og på føtene igjen.

Favorittmotiv: Tørrkast med Ånund

Tørrkast er det same som hallingkast, berre utan hatt.