1-2-3 raudt lys

Om dansen

1-2-3 raudt lys er ein kjend leik bland barn og unge der det er om å gjere å kome seg fyrst til mål utan at "dommaren" ser at du rører på deg. I denne versjonen av leiken bruker vi dans og musikk med ulike dansemotiv som måte bevege seg framover på. I tillegg er det her musikaren som er sjef og styrer når dansarane kan bevege seg, når dei må stå stille og som bedømmer om nokon ikkje har klart å stå i frys og difor må gå attende til start. Det er også mogleg å bruke innspelt musikk og at det er du som styrer musikken som er "dommaren". Velg dei danserørslene de ynskjer å bruke, til dømes snurre, gå, springe, baklengs osb.

Namn på dansen: 1-2-3 raudt lys

Dansefamilie: Leik

Område: Vestland fylke

Musikk: “Storreguten” etter Finn Vabø

Musikar: Ida Marie Rognsvåg, hardingfele

Kjelde: Slik dansen vert dansa i Bergen i dag

Dansarane: Dansarane på filmen er frå Bergen Ungdomslag Ervingen og Nordbygda Ungdomslag

Pedagogar: Inga Myhr, Gunn Inger Sture, Tora Fjeld, Nora Haugen Skulstad, Isa Haugen, Renate Nordvik

Foto og klipp: Jørn Nyseth Ranum

Produsent: Noregs Ungdomslag (2025)