Skotsk ril (rekkeril)

Rilar og rekkerilar tilhøyrer dansefamilien turdansar. Det er dansar der ein dansar bestemte motiv i eit fast mønster tilpassa musikken. Rilane har gjerne eit litt høgt tempo, noko som betyr at dei ofte er veldig morosamme å danse.

Skotsk ril, også kjent som Virginia ril eller "bananskrellaren" etter det eine motivet i dansen, er ein dans som bør vere lett å lære for dei fleste. Den passar for store grupper og kan difor vere veldig kjekk å bruke i skulen.

Denne dansen stammar frå dei britiske øyene. Rekkerilar var populære å danse på bygdedansar i England, men opphavet til rilane var både irsk og skotsk. Det finst fleire variasjonar av denne rekkerilen, men forma vi har filma er den mest brukte i Noreg.

Det høyrer ikkje til ein bestemt melodi til denne dansen. Du kan finne fleire forslag til musikk du kan danse ril til på vår speleliste på Spotify.

Namn på dansen: Skotskril (rekkeril), Virginia ril, Bananskrellaren

Dansefamilie: Turdans, ril

Musikk: Jokijenkka, Frigg - Keidas-Oasis-Oase

Dansarane: Elevar ved Aspåsen skole i Bodø

Prosjektleiar, pedagog og regi: Halldis Folkedal

Pedagog i Bodø: Anette Johansen

Fotograf og regi: Jørn Nyseth Ranum

B-fotograf: Nils Eilif Bremdal

Klipp: Anders Øvergaard

Produsent: Noregs Ungdomslag (2016)